This page has not been proofread
creaturam supra creatorem: qui est benedictus in secula, amen. Propterea, inquam, tradidit illos Deus in passiones ignominiosas. Etenim foeminae ipsorum transmutarunt naturalem usum, in eum qui est praeter naturam: similiter et viri quoque, omisso naturali usu foeminae, exarserunt mutua libidine alii in alios: masculi in masculis foeditatem perpetrantes, et, quam decebat, erroris sui mercedem in seipsis recipientes. Et quemadmodum non probaverunt deum habere in notitia: tradidit illos Deus in reprobam mentem, ad facienda quae non decerent: ut essent pleni omni iniustitia, nequitia, libidine, avaritia, malitia, referti invidia, homicidio, contentione
