https://reformedtexts.com/index.php?action=history&feed=atom&title=Page%3AP-070.png 2026-11-09T15:38:35Z Revision history for this page on the wiki MediaWiki 1.46.2 https://reformedtexts.com/index.php?title=Page:P-070.png&diff=1004&oldid=prev 2026-11-08T01:20:50Z

<p>Import first-pass Latin transcription</p> <p><b>New page</b></p><div>&lt;noinclude&gt;&lt;pagequality level=&quot;1&quot; user=&quot;Rghollenbeck&quot; /&gt;&lt;/noinclude&gt;Demonstrationem Dei, qua gloriam suam in creaturis perspicuam facit, esse, quantum ad lucem suam, satis evidentem: quantum ad nostram caecitatem, non adeo sufficientem. Caeterum non ita caeci sumus, ut ignorantiam possimus praetexere, quin perversitatis arguamur. Concipimus divinitatem. Deinde eam, quaecunque est, colendam esse ratiocinamur: sed hic deficit sensus noster, antequam assequatur, aut quis, aut qualis sit Deus. Quare apostolus ad Hebraeos fidei tribuit istud lumen, ut in mundi creatione vere proficiat. Neque abs re. Caecitate enim impedimur, ne pertingamus ad scopum. Videmus eatenus, ne quid iam possimus tergiversari. Utrumque eleganter demonstrat Paulus Act. 14, cum dicit, Dominum in praeteritis generationibus, reliquisse gentes in ignorantia, neque tamen se reliquisse ἀμάρτυρον quoniam dedit pluvias et ubertatem e coelo.<br /> <br /> <br /> <br /> Qui cum Deum cognovissent) Hic aperte testatur, Deum omnium mentibus sui cognitionem insinuasse. Hoc est, sic se demonstrasse per opera, ut illi necessario conspicerent. Sed notandum semper, in quo notitiae gradu haeserint.<br /> <br /> <br /> <br /> Non ut Deum glorificaverunt) Concipi Deus non potest sine sua aeternitate, potentia, sapientia, bonitate, veritate, iustitia, misericordia. Aeternitas ex eo liquet, quod author est omnium. Potentia, quod&lt;noinclude&gt;&lt;references/&gt;&lt;/noinclude&gt;</div>

Rghollenbeck