https://reformedtexts.com/index.php?action=history&feed=atom&title=Page%3AP-075.pngPage:P-075.png - Revision history2026-11-09T15:38:10ZRevision history for this page on the wikiMediaWiki 1.46.2https://reformedtexts.com/index.php?title=Page:P-075.png&diff=1009&oldid=prevRghollenbeck: Import first-pass Latin transcription2026-11-08T01:20:52Z<p>Import first-pass Latin transcription</p>
<p><b>New page</b></p><div><noinclude><pagequality level="1" user="Rghollenbeck" /></noinclude>dolo, perversitate, susurrones, obtrectatores, osores Dei, malefici, contumeliosi, fastuosi, repertores malorum, parentibus immorigeri, intelligentiae expertes, insociabiles, affectu humanitatis carentes, foedifragi, sine misericordia sensu. Qui cum Dei iudicium cognoverint, quod qui talia agunt, digni sunt morte, non tantum ea faciunt: sed assentiuntur facientibus.<br />
<br />
<br />
<br />
Propterea tradidit) Quia clandestinum est malum impietas: ne adhuc tergiversentur, ostendit, crassiori demonstratione, illos non posse elabi: quin iusta damnatione feriantur, siquidem illam impietatem secuti sunt fructus, unde licet colligere manifesta irae Domini indicia. Quod si iusta est semper ira Domini: sequitur praecessisse, quod illos redderet damnabiles. A signis ergo nunc urget hominum apostasiam et defectionem. Siquidem ita ulciscitur Dominus eos, qui se ab ipsius bonitate alienarunt, ut in multiplicem confusionem ac ruinam deiiciat praecipites. Ac simili<noinclude><references/></noinclude></div>Rghollenbeck