Rghollenbeck: Import first-pass Latin transcription

2026-11-08T01:21:02Z

Import first-pass Latin transcription

New page

<noinclude><pagequality level="1" user="Rghollenbeck" /></noinclude>IOANNIS CALVINI.

iustitiae semina esse indita ipsorum ingenio. Qualia sunt: quod religiones instituunt omnes peraeque gentes, adulterium legibus plectunt, et furtum, et homicidium: bonam fidem in commerciis ac contractibus commendant. Sic enim testantur non se latere, Deum colendum esse: adulterium et furtum, et homicidium esse mala: probitatem esse laudabilem. Nec interest, qualem fingant Deum, aut quot etiam deos fabricent: satis est quod Deum esse intelligunt, et illi honorem cultumque deberi. Non refert, an alienae mulieris, et possessionis et cuiusvis rei cupiditatem permittant: an ad iram odiumque conniveant. Nam quod perpetrare malum esse norunt, neque illis fas erit concupiscere.

Attestante conscientia.) Non poterat fortius eos premere, quam propriae conscientiae testimonio quae est instar mille testium. Conscientia benefactorum se sustentant ac consolantur homines. Male sibi conscii, intrase torquentur ac cruciantur. Unde illa ethnicorum voces. Amplissimum theatrum esse bonam conscientiam. Malam vero, pessimum carnificem, ac saevius quibuslibet furiis impios exagitare. Est igitur naturalis quaedam legis intelligentia, quae hoc bonum dictet: illud autem detestandum. Observa autem, quam erudite describat conscientiam: cum dicit nobis venire in mente rationes, quibus, quod recte factum est, defendamus, [continues]<noinclude><references/></noinclude>

Page:P-097.png - Revision history

Rghollenbeck: Import first-pass Latin transcription