This page has not been proofread
ab ea lectores abducit, tantundem a scopo suo aberrat, vel certe a suis finibus quodammodo evagatur. Itaque cupiebamus ex eorum numero, quibus in hoc laboris genere theologiam iuvare hodie propositum est, unum aliquem extare, qui et facilitati [studeret], et simul daret operam, ne prolixis commentariis studiosos ultra modum detineret.
Quanquam autem scio sententiam hanc non apud omnes receptam esse: et eos, qui non recipiunt, nonnullis quoque argumentis adduci, ut ita iudicent: ego tamen dimoveri non possum ab amore compendii. Verum cum ita ferat ea, quae hominum ingeniis insita est, varietas, ut alia aliis magis arrideant: fruatur hic sane quisque suo iudicio: modo ne
